اهلا بيك في نظام الدروب شبينك الخاص بشركة فلامنكو

الفكرة بأختصار تفتح ستور الخاص بيك وتنشر بيها منتجاتنا بدون ماتشتريها من عدنا وبدون متخسر فلوس ولا مكان تخزين 

مثال تنشر صورة جاكيت واجاك شخص راد يشتري هذا المنتج ... فلامنكو راح تخصصلك فرع من نضامها وتنطيك رابط خاص الك تطلب منه للزبون مالتك

بعد وصول الطلب للزبون ( طلب ناجح ) راح تنضاف بحسابك الي مسجله بموقعنا رصيد ارباحك 

 بلنسبة للارباح راح تكون نسبة مقدارها 10 %

الخطوات والشروط

1- تسجل في موقعنا الالكتروني بايميلك واسمك ورقمك الحقيقي 

2- بعدها تراسل الفريق المخصص حته يحولون حسابك من مشتري الى تاجر او بائع 

رابط فريق الدعم 

https://t.me/Flamingososupport

3- فريق الدعم راح يدزلك رابط مخصص الك هذا الرابط كلش مهم 

انت تطلب ل زبائنك عن طريق الرابط الي ندزه الك فقط 

حته نعرف ان الطلب هذا اجه من حضرتك 

 : ملاحظة

اذا طلبت من الرابط الاعتيادي راح ينهمل الطلب ومراح تنحسب ارباح الك 

4- تفتح ستور (بيج ) بأسم خاص بيك ولوكو خاص بيك 

ملاحظة : تهمل الصفحات التي تحمل نفس اسم ولوكو صفحتنا 

يعني ممنوع تستخدم نفس اسمنا او صورتنا

5- تنشر المنتجات المتوفرة 

الموجوده على موقعنا او تطبيقنا

رابط الموقع 

https://flamingoso.com

رابط التطبيق 

https://onelink.to/nqwjnu

(الك حق تستخدم نفس الصور او تجيب صور للمنتجات من مصادر ثانيه انت حر )

6- فلامينكو مخصص الك نافذه تكدر تتبع بيها حالة الطلب اذا وصل واذا بعده 

عن طريق الموقع نافذه تتبع حالة الطلب 

7- كل الطلبات الي تسويها تطلع الك في نافذة طلباتي في الموقع الالكتروني 

8- اجور التوصيل 

بغداد 5 الاف 

باقي المحافظات 7 

اذا عبر الطلب 50 الف يصير التوصيل مجاني  

9- عند تحويل حالة الطلب الى مكتمل يعني وصل حسابه النا ونكدر نحولك المبلغ 

10 - الاستبدال والترجيع يكون خلال تواجد المندوب فقط 

يعني يوصل المندوب للزلون يطلب منه ان يقيس القطعه ويتاكد منها واذا تمام ينطي الفلوس 

11- ضروري تاخذ رقمين من الزبون للتاكد من مصداقية الزبون 

واذا ماعنده حاولو تتاكدون من الرقم شغال 

اي استفسار ثاني راسلونا على المعرف ادناة 

https://t.me/Flamingososupport